அடுப்பில் வாணலியை வைத்து சிறிது எண்ணெய் விட்டு அதில் பெருங்காயத்தை போட்டு அது பொரிந்தவுடன் மிளகு, குண்டு மிளகாய், துவரம் பருப்பு, ஜீரகம்,கருவேப்பிலை, தனியா இவற்றை எல்லாம் போட்டு வதக்கவும். பிறகு புளியை கரைத்து வடிகட்டி கொள்ளவும். வதக்கிய கலவையை மிக்ஸியில் போட்டு அரைத்து கொள்ளவும். அடுப்பில் வாணலியை போட்டு நல்லெண்ணெய் ஊற்றி கடுகு தாளித்து புளி கரைசலை ஊற்றி மஞ்சள் தூள் சேர்த்து கொதிக்க விடவும். பச்சை வாசனை போனவுடன் அரைத்து வைத்துள்ள கரைசலை ஊற்றி தேவையான அளவு உப்பு சேர்த்து நன்கு கொதிக்க விடவும்.

நன்கு கொதித்தவுடன் சிறிய வெல்ல கட்டி சேர்த்து அடுப்பை அணைத்து விடவும்.

இப்பொழுது சூடான சுவையான கருவேப்பிலை மிளகு குழம்பு ரெடி! சூடு சாதத்துடன் சேர்த்து நெய் சேர்த்து பிசைந்து சாப்பிடலாம்! இட்லி, தோசை க்கு தொட்டு கொள்ளலாம்!நாக்கில் நீர் சொட்ட வைக்கும் சுவை இதற்கு உண்டு!