ஹார்ட் ஹக்கா நூடுல்ஸ் (Heart hakka noodles recipe in tamil)

முதலில் நூடுல்ஸை உப்பு எண்ணெய் சேர்த்து தண்ணீரில் வேகவைத்து எடுக்கவும்... நூடுல்ஸை நன்கு வேக வைக்க கூடாது... வெந்ததும் குளிர்ந்த நீரில் மூழ்கி, அலசி எடுக்கவும். பின் சிறிது எண்ணெய் விட்டு நூடுல்ஸை கலந்து விடவும்.

ஒரு வாணலியில் எண்ணெய் விட்டு பொடியாக நறுக்கிய பூண்டை சேர்த்து, பச்சை மிளகாய், வெங்காயம் சேர்த்து வதக்கவும்.பின் காய்கறி கலவை சேர்த்து வதக்கவும்.

ஹக்கா நூடுல்ஸ் மசாலா தூள் சேர்த்து வதக்கி, சிறிது தண்ணீர் தெளித்து வதக்கவும்.

பின்னர் ஏற்கனவே வேகவைத்து எடுத்த ஹக்கா நூடுல்ஸை சேர்த்து கிளறவும். பின் இதனை ஹார்ட் வடிவில் உள்ள பாத்திரத்தில் மாற்றி, நன்றாக அழுத்தி வைக்கவும். 2நிமிடம் கழித்து அதனை பெரிய தட்டில் மூடி, திருப்பி கொட்டவும்.

இப்படி செய்யும் போது, நூடுல்ஸ் ஹார்ட் வடிவில் கிடைக்கும். சுவையான ஹார்ட் வெஜ் ஹக்கா நூடுல்ஸ் ரெடி...