முதலில் காராமணியை 8 மணி நேரம் தண்ணீரில் ஊற வைத்து எடுத்து கொள்ளவும். பிறகு அதை குக்கரில் சேர்த்து போதுமானளவு தண்ணீர் சேர்த்து உப்பு போட்டு மூடி வைத்து 5 விசில் விட்டு இறக்கவும்.புளியை தண்ணீரில் ஊற வைக்கவும்.

மண்சட்டியில் எண்ணெய் ஊற்றி காய்ந்ததும் கடுகு, சீரகம் தாளித்து பூண்டு பல் சிறு சிறு துண்டுகளாக நறுக்கி சேர்த்து வதக்கவும். வெங்காயம், கறிவேப்பிலை சேர்த்து நன்கு வதக்கவும்.

பின்னர் தக்காளி, மஞ்சள் தூள், உப்பு சேர்த்து வதக்கவும். நன்றாக மசித்து வதக்கிய பின்னர் மீடியமாக நறுக்கிய முருங்கைக்காய் சேர்த்து மிளகாய்த்தூள், குழம்பு பொடி, மல்லி தூள், சேர்த்து கலந்து விடவும்.

பின்னர் 1/4 டம்ளர் தண்ணீர் ஊற்றி கிளறி விடவும். புளி கரைத்து வடிகட்டி கரைசலை எடுத்து இதில் ஊற்றி கலந்து விடவும். வேக வைத்து எடுத்த பயறை இதில் சேர்த்து கிளறி விடவும்.

பின்னர் தேங்காய் துருவல், பொட்டுகடலை சேர்த்து மிக்ஸியில் பேஸ்ட் போல் அரைத்து வைத்துக் கொள்ள வேண்டும். புளி கரைசலை ஊற்றியது ஒரு கொதி வந்ததும் அரைத்த தேங்காய் பேஸ்ட் ஐ இதில் சேர்த்து தேவையான அளவு தண்ணீர் ஊற்றி கிளறி உப்பு, காரம் சரிபார்த்து கொதிக்க விடவும்.

பிறகு கொதித்து எண்ணெய் பிரிந்து வந்ததும் கொத்தமல்லி சிறிதளவு சேர்த்து இறக்கவும். ஆரோக்கியமான காராமணி காரக் குழம்பு தயார். நன்றி