கையேந்திபவன் எம்டி சால்னா (Salna recipe in tamil)

கடாயில் ஒரு டேபிள்ஸ்பூன் எண்ணெய் விட்டு காய்ந்ததும் பட்டை 2, ஏலக்காய் 2, கிராம்பு 4 துண்டு, சோம்பு 1 டேபிள் ஸ்பூன் சேர்த்து நன்கு வறுத்து அதனுடன் உரித்த முழு சின்ன வெங்காயம், துருவிய தேங்காய் சேர்த்து மிதமான தீயில் வைத்து நன்கு வதக்கி விடவும்.

இதனை ஆற வைத்து, மிக்ஸியில் சேர்த்து அதனுடன் பூண்டு பல், கசகசா, பொட்டுக்கடலை சேர்த்து சிறிது தண்ணீர் சேர்த்து நன்கு நைஸாக அரைத்து எடுத்துக் கொள்ளவும்

மற்றொரு கடாயில் எண்ணெய் விட்டு காய்ந்ததும் பட்டை 1, பூ, ஏலக்காய் 1, கிராம்பு 2, சோம்பு 1\2டேபிள்ஸ்பூன் சேர்த்து தாளித்து, நீளவாக்கில் கீறிய பச்சை மிளகாய், பொடியாக அரிந்த பெரிய வெங்காயம் சேர்த்து நன்கு வதக்கவும்

பிறகு தக்காளி, இஞ்சி பூண்டு விழுது சேர்த்து சிறிது வதக்கி கொத்தமல்லி, புதினா, கறிவேப்பிலை சேர்க்கவும்.

இப்போது சிறிது கல் உப்பு சேர்த்து மிதமான தீயில் வைத்து நன்கு வதக்கி விடவும். வதங்கியதும் மிளகாய்த்தூள், மஞ்சள் தூள், மல்லி தூள், கரம் மசாலா பொடி, சிக்கன் மசாலா பொடி சேர்க்கவும்

இதனை ஒரு நிமிடம் வரை வதக்கி விட்டு பிறகு அதனுடன் அரைத்த தேங்காய் விழுதையும் சேர்த்து மீண்டும் ஒரு நிமிடம் வரை வதக்கி விடவும்

பிறகு ஒரு கப் அளவு தண்ணீர் சேர்த்து நன்கு கலந்து விடவும்

இப்போது சால்னா க்கு தேவையான அளவு உப்பு சேர்த்து 10 நிமிடம் முதல் பதினைந்து நிமிடம் வரை கொதிக்க விடவும்.

எண்ணெய் பிரிந்து வருவது தான் சரியான பதம். அதாவது மசாலா நன்கு வெந்து சால்னா சிறிது கெட்டி பதம் வந்து எண்ணெய் சுற்றிலும் பிரிந்து வரும் பொழுது இறுதியாக கொத்தமல்லி தழை தூவி இறக்கவும்.