பிரக்கோலி வெட்டி சுத்தம் செய்து சுடு தண்ணீரில் சேர்த்து உப்பு சேர்த்து 2 நிமிடம் கொதிக்க விடவும். உடனே ஐஸ் கட்டிகள் கலந்த தண்ணீரில் மாற்றவும்.

இவ்வாறு செய்வதனால் ப்ரோக்கோலி நிறம் மாறாமல் சுவை மாறாமல் இருக்கும். இதனை தண்ணீர் வடித்து வைத்துக் கொள்ளவும். ஒரு கிண்ணத்தில் தயிர், இஞ்சி பூண்டு விழுது, மிளகாய்த்தூள், சாட் மசாலா, கசூரி மேத்தி, உப்பு, கடுகு எண்ணெய், கடலை மாவு, எல்லாம் சேர்த்து கலந்து விடவும்.

இதில் ப்ராக்கோலி மற்றும் நீளமாக வெட்டிய உருளைக்கிழங்கை சேர்த்து கலந்து 15 நிமிடங்கள் ஊற வைக்கவும். அதன்பின் கிரில் தவாவில் ப்ராக்கோலியை க்ரில் செய்து எடுக்கவும்.

பின் உருளைக்கிழங்கையும் தொழில் செய்யவும் இதனை தனியாக தட்டில் வைக்கவும்.ஒரு பாத்திரத்தில் வெண்ணெய் சேர்த்து உருகியதும் வெங்காயத்தை வெட்டி சேர்த்து வதக்கவும்.

இதில் இஞ்சி-பூண்டு முந்திரியை சேர்த்து வதக்கவும். தக்காளியை வெட்டி அல்லது அரைத்து சேர்த்து வதக்கிக் கொள்ளவும். நன்கு வதங்கியதும் ஆற வைத்து மிக்ஸியில் அரைக்கவும்.

பாத்திரத்தில் எண்ணெய் சேர்த்து சூடானதும் சீரகம், துருவிய இஞ்சி சேர்க்கவும். பிறகு குறிப்பிட்டுள்ள மசாலாக்களை சேர்த்து ஒரு நிமிடம் வதக்கவும்.

அரைத்த வெங்காய தக்காளி விழுதை சேர்க்கவும். இரு நிமிடங்கள் வதங்கியபின் கிரில் செய்த காய்கறிகளை சேர்த்து தேவையான அளவு தண்ணீர் சேர்த்து கலந்து விடவும்.

தேவைக்கேற்ப உப்பு சேர்த்து மூடி போட்டு சிறு தீயில் 10 நிமிடம் வேக விடவும். அதன்பின் ஃப்ரெஷ் க்ரீம் சேர்த்து கலந்து விடவும்.

இறுதியில் நறுக்கிய கொத்தமல்லி இலைகளை சேர்த்து அடுப்பை அணைக்கவும்.இதனை சப்பாத்தி புலாவ் வகைகள் உடன் பரிமாற மிகவும் சுவையாக இருக்கும்.