பக்கா கோவில் புளியோதரை

அரிசியை தேவையான தண்ணீர் விட்டு ஊற வைக்கவும்.

வெறும் கடாயில் மிளகாயை வறுத்துக்கொள்ளவும்.வறுத்ததை ஒரு கிண்ணத்தில் போடவும்.பிறகு தனியாவை வறுக்கவும்.

அதையும் கிண்ணத்தில் போடவும்.க.பருப்பு,உ.பருப்பையும் வறுத்து கிண்ணத்தில் போடவும்.

கருப்பு எள்ளையும் வறுத்து சேர்க்கவும்.மிளகை வறுத்துக்கொள்ளவும்.

மிளகையும் சேர்க்கவும்.வெந்தயத்தையும் வறுத்து சேர்த்துக் கொள்ளவும்.

வறுத்த அனைத்தையும் ஆறினதும் மிக்ஸியில் சற்று கொரகொரப்பாக அரைக்கவும்.

கடாயில் நல்லெண்ணெய் காய்ந்ததும் கடுகை போடவும்.வெடித்ததும், க.பருப்பு,உ.பருப்பு,மிளகாயை தாளிக்கவும்.ம.தூள் போடவும்.

புளியை ஊறவைத்து வடிகட்டி ஊற்றவும்.அதில் பெருங்காயத்தூள்,உப்பு போட்டு நன்கு கெட்டியாகும் வரை கொதிக்கவிடவும்.வேறொரு கடாயில் நல்லெண்ணெய் விட்டு காய்ந்ததும் முந்திரியை வறுத்து, அதில் வறுத்த பொடியை போட்டு 2நிமிடம் வறுக்கவும்.

ஊறின அரிசியில் 1ஸ்பூன் நல்லெண்ணெய் விட்டு உதிரியாக வடித்துக் கொள்ளவும்.பொடிபோட்டு வறுத்த முந்திரியில் வடித்த சாதம்,உப்பு போட்டு கிளறவும்.பிறகு கெட்டியான புளிக்காய்ச்சலை போட்டு கரண்டியின் பின்புறத்தால் கிளறவும்.

கிளறின சாதத்தில் கடைசியாக திரும்பவும் 2டேபிள்ஸ்பூன் பொடியை போட்டு மெதுவாக கிளறவும்.

மிகமிக அருமையான,*பக்கா கோவில் புளியோதரை,*தயார்.இந்த முறையில் புளியோதரையை செய்து பார்க்கவும்.