1 பாக்கெட் காளான்,1 கப் பச்சை பட்டாணியை கழுவி எடுத்து வைக்கவும்.1/2 கட்டு கொத்தமல்லி தழையை கழுவி வைக்கவும்.

மூன்று பெரிய வெங்காயத்தை தோல் நீக்கி கழுவி பொடியாக நறுக்கி வைக்கவும். இரண்டு தக்காளியை எடுத்து வைக்கவும். 4 பல் பூண்டு, 1 துண்டு இஞ்சி, 4 முழு முந்திரி, 2 கிராம்பு, 1துண்டு பட்டை, 1 டீஸ்பூன் சோம்பு, 1டீஸ்பூன் கசகசா எடுத்து வைக்கவும்.

கடாயில் 2 டீஸ்பூன் ஆயில் விட்டு கசகசா சோம்பு, பூண்டு, இஞ்சி பட்டை, கிராம்பு, முந்திரி ஆகியவற்றை வறுக்கவும். அதனுடன் கழுவி வைத்த கொத்தமல்லி தழை,1 கப் தேங்காய் துருவல் சேர்த்து நன்கு வறுத்து விடவும்.

வதக்கியதை ஆறவிட்டு, அதனுடன் 2 டீஸ்பூன் தனியா தூள், 1 டீஸ்பூன் கரம் மசாலாத்தூள், 1 டீஸ்பூன் மிளகாய்த்தூள் சேர்த்து நன்கு நைசாக அரைத்து விடவும்.

காளானை பொடியாக நறுக்கி வைக்கவும். கடாயில் ஆயில் விட்டு,1 டீஸ்பூன் சீரகம் தாளித்து, நறுக்கிய பெரிய வெங்காயம் சேர்த்து வதக்கி, அதனுடன் நறுக்கிய தக்காளி சிறிது கறிவேப்பிலை சேர்த்து நன்கு வதக்கி விடவும்.1/4 டீஸ்பூன் மஞ்சள்தூள் சேர்க்கவும்.

வெந்த பச்சைப் பட்டாணியில் தண்ணீரை வடித்து வைக்கவும். வெங்காயம் வதங்கிய வுடன், காளான் சேர்த்து நன்கு வதக்கி அதனுடன் அரைத்த மசாலா, உப்பு வெந்த பச்சை பட்டாணி சேர்த்து கலக்கி, குக்கரில் ஒரு விசில் வேகவிடவும்.

குக்கரை திறந்து சிறிது நேரம் கொதிக்க விட்டு, அடுப்பிலிருந்து இறக்கி விடவும். சுவையான பட்டாணி காளான் குழம்பு#2 ரெடி. நான் சப்பாத்திக்கு இந்த காளான் குழம்பை சைட் டிஷ் ஆக செய்தேன். அருமையாக இருந்தது.😋😋 நறுக்கிய பெரிய வெங்காயம் 1, 1 தக்காளி சிறிது மிளகுத் தூள், உப்பு எலுமிச்சைச் சாறு சிறிது, கொத்தமல்லி தழை நறுக்கியது சிறிது சேர்த்து கலக்கி வைத்தேன்.