ஒரு வாணலியில் எண்ணெய் ஊற்றி சூடானதும் தனியா சீரகம் மிளகு பட்டை கிராம்பு பூண்டு வரமிளகாய் இவற்றை வாசம் வரும் வரை வறுத்து மிக்ஸியில் பொடித்து வைத்துக் கொள்ளவும். ஒரு பெரிய வெங்காயம் இஞ்சி இரண்டையும் மிக்ஸியில் போட்டு மைய அரைக்கவும்.

துருவிய தேங்காய் ஒரு கப் முந்திரி தனியாக மிக்ஸியில் விழுதாக அரைத்துக் கொள்ளவும். காளானை கழுவி நறுக்கி வைக்கவும். தக்காளியை பொடியாக நறுக்கி வைக்கவும். ஒரு பெரிய வெங்காயம் குடை மிளகாயை கழுவி சதுர வடிவில் அறிந்து வைத்துக் கொள்ளவும்.

ஒரு வாணலில் எண்ணெய் ஊற்றி சூடானதும் கடுகு உளுந்து ஒரு பச்சை மிளகாய் போட்டு வதக்கவும். அரைத்த இஞ்சி வெங்காயம் விழுது சேர்த்து பச்சை வாசனை போகும் வரை வதக்கவும். தக்காளி போட்டு வதக்கவும். குடைமிளகாய் வெங்காயம் போட்டு வதக்கவும்.தக்காளி வெங்காயம் வதங்கியதும் காளான் போட்டு அதையும் வதக்கவும். அரைத்து வைத்துள்ள மசாலா பொடியை போட்டு கலந்து அரை டம்ளர் நீர் விடவும். மூடி வைத்து 4 நிமிடம் கொதிக்க விடவும்.

தனியாத் தூள் சிவப்பு மிளகாய் தூள் மஞ்சள் தூள் தேவையான உப்பு போட்டு கலந்து விடவும். பச்சை வாசனை போகும் வரை வதக்கி கொதிக்க விடவும். அரைத்த தேங்காய் முந்திரி விழுதை சேர்த்து சிம்மில் வைத்து 4 நிமிடம் கொதிக்க விடவும். கொத்தமல்லி இழை தூவி மூடி வைக்கவும். சிறிது நேரம் கழித்து எடுத்து பரிமாறவும். சுவையான காளான் கிரேவி தயார்.