தேவையான பொருட்கள் எடுத்துக்கொள்ளவும். புளியை தண்ணீர் ஊற்றி ஊறவைக்கவும்.

அடுப்பில் ஒரு கடாயை வைத்து மூன்று ஸ்பூன் நல்லெண்ணெய் ஊற்றி காய்ந்ததும் வெந்தயம், சோம்பு போட்டு தாளிக்கவும். பிறகு சின்ன வெங்காயம், கருவேப்பிலை போட்டு தாளிக்கவும்.

பிறகு பொடியாக நறுக்கிய தக்காளி, பூண்டுபல் போட்டு தேவையான அளவு உப்பு போட்டு வதக்கவும்.

பிறகு புளியை கரைத்து பாத்திரத்தில் எடுத்துக் கொள்ளவும்.பிறகு 2 ஸ்பூன் மிளகாய்த்தூள், 4 ஸ்பூன் மல்லித்தூள், 1/4 ஸ்பூன் மஞ்சள்தூள் எல்லாவற்றையும் எடுத்துக் கொள்ளவும்.

எல்லா மசாலாதூள் களையும் கலந்து புளிகரைசலில் போட்டு கரைத்து விடவும்.

வெங்காயம் தக்காளி நன்கு வதங்கியதும் கரைத்து வைத்த மசாலா புளி கரைசலை அதில் ஊற்றி 5 நிமிடம் கொதிக்க விடவும்.

கொதிவந்தவுடன் அதில் மீன்களை போட்டு 10 நிமிடம் கொதிக்க வைத்து 10 நிமிடம் அடுப்பை சிம்மில் வைத்து பிறகு பரிமாறவும்.