தேங்காய்,மாங்காய் அரைத்து விட்ட பருப்பு

தேங்காயை துண்டுகளாக நறுக்கி கொள்ளவும். வெங்காயத்தையும்,தக்காளியையும் பொடியாக நறுக்கவும்.ப.மிளகாயை கீறிக் கொள்ளவும்.

கடாயில் சிறிது தே.எண்ணெய் விட்டு காய்ந்ததும் தனியா,க.பருப்பு,உ.பருப்பு,பச்சரிசி,மிளகாய், தேங்காய்,மிளகு, ஆகியவற்றை சிவக்க வறுத்து ஆறவிடவும்.

ஆறினதும் மிக்ஸியில் போடவும். பிறகு சற்று கொரகொரப்பாக அரைக்கவும்.து.பருப்பில் சிறிது ம.தூள்,உப்பு போட்டு குழைய வேகவிடவும்.

கடாயில் தே.எண்ணெய் காய்ந்ததும் கடுகுபோட்டு வெடித்ததும் நறுக்கின வெங்காயம் சிறிது உப்பு, கறிவேப்பிலைபோட்டு வதக்கவும்.பிறகு தக்காளியை போடவும்.

நன்கு வதங்கியதும் பாதி வெந்த மாங்காயை போடவும்.ஒன்று சேர கொதித்ததும் வெந்த துவரம் பருப்பை போடவும்.பிறகு பெருங்காயம் போடவும்.

பிறகு கொதித்து கெட்டியானதும் மேலே கொத்தமல்லி தழை போட்டு இறக்கவும்.சுவையான,"தேங்காய்,மாங்காய் அரைத்துவிட்டபருப்பு,"தயார்.தேங்காய் எண்ணெய் சேர்ப்பதால் சூப்பராக இருக்கும். செய்து பார்த்து அசத்தவும்.