கோலா உருண்டை செய்ய முதலில் மிக்சி ஜாரில் காய்ந்த மிளகாய், சோம்பு, பொட்டுக்கடலை சேர்த்து நைசாக அரைத்துக் கொள்ளவும். பின்னர் நறுக்கிய வாழைப்பூவை சேர்த்து லேசாக அரைத்து எடுக்கவும்.

அரைத்த மாவுடன் சிறிது மஞ்சள் தூள், உப்பு, பொடியாக நறுக்கிய வெங்காயம் சேர்த்து நன்றாக பிசைந்து உருண்டைகளாக உருட்டிக் கொள்ளவும்.

உருட்டிய வாழைப்பூ உருண்டைகளை சூடானா எண்ணெயில் மிதமான தீயில் வைத்து பொரித்து எடுக்கவும்.

ஒரு கடாயில் சிறிது எண்ணெய் ஊற்றி சூடானதும் சோம்பு, பட்டை, லவங்கம், கல்ப்பாசி, கருவேப்பிலை சேர்த்து தாளிக்கவும். பின்னர் நீள வாக்கில் நறுக்கிய வெங்காயம், குழம்புக்கு தேவையான உப்பு சேர்த்து நன்றாக வெங்காயம் நிறம் மாறும் வரை வதக்கவும். பின் இஞ்சி பூண்டு விழுது சேர்த்து வதக்கவும்.

பின்னர் தக்காளி சேர்த்து நன்றாக மசியும் வரை வதக்கவும். பின் னர் நறுக்கி வைத்துள்ள முருங்கைக்காய் சேர்த்து 1நிமிடம் வதக்கவும். பின்னர் மஞ்சள் தூள், மிளகாய் தூள், மல்லித்தூள், கரம் மசாலா சேர்த்து 1நிமிடம் வதக்கவும். பின்னர் அதனுடன் அரிசி கழுவிய கடைசி தண்ணீர் சேர்த்து மூடி காய் வேகும் வரை கொதிக்க விடவும்.

பின்னர் தேங்காய் மற்றும் சோம்பு சேர்த்து அரைத்த விழுது அதனுடன் சிறிது தண்ணீர் சேர்த்து அதனுடன் வறுத்து வைத்துள்ள கோலா உருண்டை சேர்த்து 1கொதி விட்டு கொத்த மல்லி தூவி இறக்கி சூடான சாதம், சப்பாத்தி, ஆப்பம் உடன் பரிமாறவும். கறிக்குழம்பு சுவையில் அட்டாக்காசமாக இருக்கும்.