முதலில் கடலை பருப்பை 3 மணி நேரம் முன்பாக ஊறவைத்து கொள்ளவும்.உருண்டை குழம்பு செய்ய தேவையான வெங்காயம் தக்காளி பச்சை மிளகாய் கறிவேப்பிலை பொடியாக நறுக்கி கொள்ளவும் தேங்காய் துருவலை துருவி வைக்கவும்.புளியை ஊறவைத்து கொள்ளவும்

பிறகு மிக்ஸியில் கடலை பருப்பை தண்ணீர் இல்லாமல் வடிகட்டி ஒன்றும் இரண்டுமாக அரைத்து கொள்ளவும் அத்துடன் சோம்பு 2 டீஸ்பூன் சேர்த்து அரைத்து கொள்ளவும் பிறகு வெங்காயம் 15 பச்சை மிளகாய் 1 இஞ்சி சிறிய துண்டு பூண்டு 7 பல் தேங்காய் 2 ஸ்பூன் மிளகாய்த்தூள் 1/2 டீஸ்பூன் மஞ்சள்தூள் 1/4 டீஸ்பூன் கருவேப்பிலை சிறிது உப்பு தேவையான அளவு சேர்த்து நன்கு பிசைந்து கொள்ளவும்.பிறகு சிறிய உருண்டைகளாக உருட்டி இட்லி பாத்திரத்தில் 10 நிமிடம் வேக வைத்து எடுக்கவும்.இதனை எண்ணெயில் வடை யாகவும் தட்டி கொடுக்கலாம்.

பிறகு ஒரு பாத்திரத்தில் புளியை கரைத்துக் கொள்ளவும் பிறகு மிளகாய்த்தூள் 2 ஸ்பூன் மல்லி தூள் 2 ஸ்பூன் மஞ்சள் தூள் 1/2 ஸ்பூன் அரைத்து வைத்துள்ள மீதி தேங்காய் சேர்த்து தேவையான உப்பு சேர்த்து நன்கு கரைத்து கொள்ளவும்.பிறகு வேகவைத்த உருண்டையை எடுத்து வைக்கவும்

பிறகு ஒரு கடாயில் எண்ணெய் ஊற்றி காய்ந்ததும் சோம்பு நறுக்கிய பூண்டு தக்காளி கருவேப்பிலை சேர்த்து தாளித்து கொண்டு கரைத்து வைத்துள்ள குழம்பை சேர்த்து கொதிக்க விடவும்.

பிறகு நன்கு கொதித்ததும் உருண்டையை போட்டு 10 நிமிடம் கழித்து இறக்கவும்.இதனை சாதத்துடன் சேர்த்து பரிமாறவும் சுவையான ஆரோக்கியமான பருப்பு உருண்டை குழம்பு ரெடி.