தயிரை சிலிப்பி வைத்துக் கொள்ளவும். ஒரு ஸ்பூன் பச்சரிசி ஒ ஸ்பூன் கடலை பருப்பு கழுவி சிறிதளவு தண்ணீர் சேர்த்து ஒரு மணி நேரம் ஊற வைக்கவும்.ஒரு மிக்ஸி ஜாரில் ஊறவைத்த அரிசி பருப்பு துருவிய தேங்காய் சிறிய வெங்காயம் பூண்டு தனியா மிளகு சீரகம் ஒரு ஸ்பூன் மஞ்சள் தூள் வரமிளகாய் சேர்த்து மைய அரைக்கவும். அரைத்த விழுதை தயிரில் கலந்து அடுப்பில் சிம்மில் வைத்து கொதிக்க விடவும். அதிகம் கொதிக்ககூடாது பொங்கி வரும்போது இறக்கி விட வேண்டும். மோர் குழம்பு க்கு உப்பு கடைசியாகஅடுப்பை அணைத்துவிட்டு தான் சேர்க்க வேண்டும்.

ஒருவாணலில் எண்ணெய் ஊற்றி கடுகு கருவேப்பிலை சிறிதளவு பெருங்காயம் தாளித்து மோர் குழம்பில் சேர்க்கவும்.சுவையான மோர் குழம்பு செய்தாயிற்று. இனி உருண்டை செய்வதற்கு துவரம் பருப்பு கடலைப்பருப்பு இரண்டையும் கழுவி 2 மணி நேரம் ஊற வைக்கவும். ஊறவைத்த பருப்புடன் தேவையான வரமிளகாய் சிறிதளவு மிளகு சீரகம் உப்பு சேர்த்து மிக்ஸியில் கெட்டியாக அரைத்து பொடியாக அரிந்த பெரிய வெங்காயம் ஒன்று சேர்த்து கருவேப்பிலை கொத்தமல்லி இலை போட்டு நன்கு கலந்து பிசைந்து உருண்டையாக உருட்டி இட்லி பானையில் ஆவியில் வைத்து வேக வைக்கவும்.

குழம்பு சிறிதளவு ஆறியதும் வேக வைத்த உருண்டைகளை குழம்பில் போடவும். அல்லது பரிமாறும் போது ஐந்து நிமிடத்திற்கு முன் போடவும் சூட்டோடு உருண்டையை சூடான குழம்பில் சேர்க்காதீர்கள். சுவையான பருப்பு உருண்டை மோர்க்குழம்பு தயார்.