தேவையான பொருட்களை எடுத்துக் கொள்ளவும். கடலை பருப்புடன்,3 வரமிளகாய்,1/2ஸ்பூன் பெருஞ்சீரகம் சேர்த்து 3மணி நேரம் ஊற வைக்கவும்.

ஊற வைத்த பருப்பை தண்ணீர் வடிகட்டி,மிக்சி ஜாரில் சேர்த்து சிறிது உப்பு சேர்த்து கொரொரப்பாக அரைக்கவும்.

அரைத்தவற்றை சிறு உருண்டைகளாக பிடித்து,இட்லி குக்கரில் 15நிமிடங்கள் வேக வைத்து எடுத்து ஆற வைக்கவும்.

பூண்டை தட்டிக் கொள்ளவும்.

புளி கரைத்துக் கொள்ளவும்.

தேங்காயுடன்,சீரகம், பெருஞ்சீரகம் சேர்த்து அரைத்துக் கொள்ளவும்.

பின் புளிக்கரைசல் சேர்த்து நன்றாக கொதிக்கவிடவும். கொதித்ததும் தேவையான அளவு தண்ணீர் சேர்த்து கொதிக்க விடவும்.

கொதித்ததும்,தேங்காய் அரைத்த விழுது சேர்த்து கொதிக்க விடவும்.நன்கு கொதித்ததும்,பருப்பு உருண்டைகள் சேர்த்து கொதிக்க விடவும். உருண்டையிலும் உப்பு சேர்த்து உள்ளதால்,சுவைத்து பார்த்து, தேவைக்கு சேர்க்கவும்.

குழம்பு நன்கு கொதித்து, உருண்டைகள் குழம்பை இழுத்துக் கொண்டு கெட்டி ஆனதும்,சிறிது வெல்லம் சேர்த்து ஒரு கொதி விட்டு, கறிவேப்பிலை தூவி இறக்கவும்.

அவ்வளவுதான். சுவையான உருண்டை குழம்பு ரெடி.