முதலில் கடலைப்பருப்பு, துவரம்பருப்பு இரண்டையும் சேர்த்து ஒரு மணிநேரம் ஊற வைக்கவும்.

தேவையான அனைத்து பொருட்களையும் எடுத்து கொள்ளவும்

ஊற வைத்த பருப்புகளை மிக்ஸியில் போட்டு சோம்பு, சீரகம், மிளகு சேர்த்து இஞ்சியும், உப்பு சேர்த்து அரைத்து கொள்ளவும்.

பின் அதனுடன் வெங்காயம் சேர்த்து பிசைந்து சிறிய உருண்டைகளாக உருட்டி கொள்ளவும்

உருட்டிய உருண்டைகளை ஆவியில் வேகவைத்து எடுக்கவும்.

தேங்காய் துருவல், சோம்பு, கசகசா, தக்காளி, வெங்காயத்தை அரைத்து கொள்ளவும்.

ஒரு வாணலியில் எண்ணெய் சூடாக்கி, கடுகு, உளுத்தம்பருப்பு தாளித்து வெங்காயம் சேர்த்து வதக்கவும். அரைத்த விழுதை சேர்த்து வதக்கவும்.

அதில் மஞ்சள் தூள், மல்லித்தூள், மிளகாய் தூள்சேர்த்து வதக்கி, தண்ணீர் விட்டு கொதிக்க விடவும். பச்சை வாசனை போக கொதித்தும், வேக வைத்துள்ள உருண்டைகளை சேர்க்கவும்.

நன்கு வெந்ததும், சிறிது கொத்தமல்லி தழை தூவி கிளறி இறக்கவும்.

குறிப்பு: உருண்டைகளை வேக வைக்காமல், எண்ணெயில் பொரித்தும் போடலாம்.