ஒரு கிண்ணத்தில் 2 கப் கோதுமை மாவு எடுத்துக்கொள்ளவும். அதில் உங்களுக்கு தேவையான அளவு தூள் உப்பு சேர்த்து நன்கு கலந்து கொள்ளவும். பிறகு அதில் நெய் சேர்த்து நன்கு பிரட்டி விட்டு கொள்ளவும். பிறகு கொதிக்க வைத்து மிதமான சூட்டில் இருக்கும் பாலை சேர்த்து நன்கு பிசைந்து கொள்ளவும்.பால் போதவில்லை என்றால் சிறிது தண்ணீர் சேர்த்துப் பிசைந்து சப்பாத்தி மாவு பதத்திற்கு ரெடி செய்து கொள்ளவும்.

பிசைந்த மாவின் மீது நெய் அல்லது எண்ணெய் தடவி ஒரு மணி நேரம் வரை ஒரு தட்டு போட்டு நன்கு மூடி வைத்து மாவை ஊற விடவும்

மாவு நன்கு ஊறிய பிறகு உருண்டைகளாக உருட்டி சப்பாத்திகளாக தேய்த்துக் கொள்ளவும். இப்போது தோசைக்கல்லை அடுப்பில் வைத்து தோசைக்கல் சூடேறிய பிறகு ஒரு சப்பாத்தியை தோசைக்கல்லில் போடவும். முப்பது செகண்ட் சூடேறிய பிறகு திருப்பிப் போடவும்.இந்த புறமும் முப்பது செகண்ட் குடியேறிய பிறகு மீண்டும் ஒரு முறை திருப்பிப் போட்டு தேவையான அளவு எண்ணெய் அல்லது நெய்யை சேர்த்து இரண்டு புறமும் சிவக்க சுட்டு எடுத்துக் கொள்ளவும். இதேபோல் எல்லா சப்பாத்தி களையும் செய்து கொள்ளவும்.

நெய்யும் பாலும் சேர்த்து மாவை பிசைந்து இருப்பதால் சப்பாத்தி மிகவும் மிருதுவாகவும் லேசாகவும் இருக்கும். வயதானவர்கள் கூட மென்று தின்பதற்கு சுவையாக இருக்கும்.