முதலில் மரவள்ளிக்கிழங்கை தோல் சீவி,கழுவி துருவி வைத்துக் கொள்ள வேண்டும்.

அதேபோல் உளுந்தை நன்றாக கழுவி 1மணி நேரம் ஊற வைக்க வேண்டும்.

ஊற வைத்த உளுந்தை நன்றாக தண்ணீர் வடித்து விட்டு,மிக்ஸி ஜாருக்கு மாற்றி 2-3ஸ்பூன் (தேவைப்பட்டால்) தண்ணீர் சேர்த்து நன்றாக அரைத்துக் கொள்ளவும். அரைத்த உளுந்துடன் மரவள்ளி கிழங்கு சேர்த்து மீண்டும் அரைத்து கொள்ளவும்.

தண்ணீர் அதிகம் சேர்த்து அரைத்தால் வடை தட்ட வராது.மாவு கெட்டியாக இருக்க வேண்டும்.

அரைத்த விழுதுடன், நறுக்கிய வெங்காயம்,இஞ்சி, மிளகு,கருவேப்பிலை, கொத்தமல்லி,அரிசி மாவு மற்றும் உப்பு சேர்த்து நன்கு கலக்கவும்.

அடுப்பில் வாணலியை வைத்து தேவையான அளவு எண்ணெய் விட்டு சூடாகும் நேரத்தில்,ஒரு பாத்திரத்தில் தண்ணீர் வைத்து, தண்ணீரில் கைகளை தொட்டு மாவை உருண்டை பிடித்து,நடுவில் சிறிய துளையிட்டு சூடான எண்ணெயில் போட்டு பொரிக்கவும்.

ஒரு புறம் நன்றாக சிவந்ததும்,திருப்பி போட்டு வேக வைத்து எடுக்கவும்.

குழந்தைகளுக்கு அரைத்த மாவுடன் உப்பு,மிளகு,இஞ்சி சேர்த்ததும் தனியாக எடுத்து பகோடா போல் அல்லது சிறு வடைகளாக தட்டி பொரிக்கலாம்.