ஒரு பெரிய பாத்திரத்தில் தண்ணீர் சேர்த்து கொதிக்கவிடவும். தக்காளியை பின்பக்கம் பெருக்கல் குறி யில் கீறி கொதிக்கும் தண்ணீரில் சேர்க்கவும். தக்காளி வெந்து தோல் பிரிந்து வரும் நேரத்தில் அடுப்பை அணைக்கவும்.

ஐஸ் கட்டிகள் சேர்த்து தண்ணீரில் தக்காளியை போடவும். ஆறியபின் தோலுரித்து முடிந்தவரை உள்ளிருக்கும் விதைகளை நீக்கவும். இவற்றை ஃபுட் ப்ராசசர் இல் சேர்த்து படத்தில் காட்டியுள்ளபடி அரைத்துக் கொள்ளவும். மைய அரைக்கக் கூடாது.

மற்றொரு பாத்திரத்தில் நிறைய தண்ணீர் ஊற்றி கொதிக்க விடவும். இதில் எடுத்து வைத்துள்ள நூடுல்ஸை சேர்த்து வேகவிடவும். 4 மேஜைக்கரண்டி உப்பு சேர்த்து நூடுல்ஸ் வேக வைக்கவும். 90% நூடுல்ஸ் வெந்தவுடன் வடிகட்டியில் ஊற்றி தண்ணீர் வடிக்கவும். குளிர்ந்த நீரில் நூடுல்சை அலசி வைக்கவும்.

காய்கறிகளை பொடியாக நறுக்கி வைத்துக் கொள்ளவும். ஒரு பாத்திரத்தை அடுப்பில் வைத்து ஆலிவ் ஆயில் சேர்த்து சூடானதும் எடுத்து வைத்துள்ள காய்கறிகளை சேர்த்து வதக்கிக் கொள்ளவும். பிறகு அரைத்த தக்காளி விழுதை சேர்த்து வதக்கவும்.

இதில் உப்பு மிளகுத்தூள் சில்லி ஃப்ளேக்ஸ் மற்றும் ஆரிகனோ சேர்க்கவும். பேசில் இலைகளையும் கைகளால் கீறி சேர்க்கவும். தக்காளி நன்கு வதங்கிய பின் துருவிய சீஸ் சேர்த்து கலந்து விடவும்.

இறுதியில் வடித்து வைத்துள்ள நூடுல்ஸை சேர்த்து கிளறவும். விருப்பப்பட்டால் பரிமாறும் முன் தேவையான அளவு மேலும் சீஸ் சேர்த்து கலந்து பரிமாறவும்.