2 கப் கோதுமை மாவு எடுத்துக் கொள்ளவும். தேவையான அளவு நீர் சேர்த்து கட்டி இல்லாமல் நன்கு கரைத்துக் கொள்ளவும். அதில் ஒரு ஸ்பூன் சீரகம் சேர்த்து கலந்து கொள்ளவும்.

தோசைக்கல்லை வைத்து சூடு ஏறிய பிறகு ஒரு கரண்டி தோசை மாவை எடுத்து வட்ட வடிவமாக கொஞ்சம் மொத்தமாக ஊற்றிக் கொள்ளவும். பிறகு அதில் தேவையான அளவு மிளகுத்தூளை தூவி கொள்ளவும். பிறகு முதலில் வெங்காயத்தை தோசையில் பரவலாக தூவிவிடவும் அதன்மேல் தக்காளியை தூவி விடவும். பிறகு கொத்தமல்லி தலை தூவி விடவும் கருவேப்பிலை மேலே பரப்பி விடவும். தோசையை சுற்றி உங்களுக்கு தேவையான அளவு எண்ணெய் சேர்த்துக் கொள்ளவும்.குழந்தைகள் என்றால் சிறிது எண்ணெய் சேர்த்து கொடுக்கவும் டயட்டில் உள்ளவர்கள் லேசாக எண்ணெய் ஊற்றி கொள்ளவும்.

மிதமான தீயில் மூடி போட்டு 3 நிமிடம் வேக விடவும். பிறகு மெதுவாக திருப்பி போட்டு ஒரு நிமிடம் வைத்து அடுப்பை நிறுத்தி அதன் சூட்டிலேயே தக்காளி வெங்காயத்தை வேக விட்டுக் கொள்ளவும். சுவையான கோதுமை தோசை தக்காளி ஆம்லெட் தயார்.இதற்கு தொட்டுக் கொள்ள ஏதாவது சட்னி தேவை என்றால் செய்து கொள்ளவும் அல்லது அப்படியே கூட சாப்பிடலாம்.