ஒரு கப் பச்சை அரிசி மற்றும் கால் கப் மேல் ஒரு டேபிள் ஸ்பூன் அளவு வரை பாசிப்பருப்பு எடுத்துக்கொள்ளவும். இரண்டையும் நன்றாக கழுவி சுத்தம் செய்து கொள்ளவும். இரண்டையும் தண்ணீர் வடித்து விட்டு குக்கரில் 4 கப் தண்ணீர் சேர்த்து கழுவிய அரிசி பருப்பை சேர்க்கவும். நான்கு அல்லது ஐந்து சவுண்ட் விட்டு இறக்கவும். சாப்பாடு குழைய வேக வைத்துக் கொள்ளவும்.

முந்திரிப் பருப்பு துண்டுகளாக உடைத்துக் கொள்ளவும் சீரகம் மிளகு எடுத்துக் கொள்ளவும் சீரகம் மிளகை ஒன்றிரண்டாக உடைத்துக் கொள்ளவும் இஞ்சியைத் தோல் நீக்கி கழுவி சிறிய துண்டுகளாக நறுக்கிக் கொள்ளவும் கால் ஸ்பூன் பெருங்காயத்தூள் எடுத்துக் கொள்ளவும். ஒரு இணுக்கு கருவேப்பிலை எடுத்து வைத்துக் கொள்ளவும். வாணலியில் இரண்டு ஸ்பூன் நெய் சேர்த்து மிளகு சீரகம் இஞ்சி கறிவேப்பிலை பெருங்காயத்தூள் சேர்த்து வாசம் வர வறுத்துக்கொள்ளவும். பிறகு உடைத்த முந்திரியை சேர்த்து சிவக்க வறுத்துக்கொள்ளவும்.