களிமாவு செய்ய அரிசியை கழுவி அரை மணி நேரம் வரை ஊறவிடவும் பின் தண்ணீரை வடிகட்டி உலரவிடவும் ஈரம் காய்ந்ததும் வெறும் வாணலியில் போட்டு சிவக்க வறுத்து எடுக்கவும் பின் பாசிப்பருப்பை தனியாக சிவக்க வறுத்து எடுக்கவும் இரண்டையும் ஆறவிட்டு ஒன்றாக சேர்த்து மிக்ஸியில் போட்டு பொடி செய்து கொள்ளவும் ஜலிக்க வேண்டாம் மணல் மணலா இருக்க வேண்டும் நைசாக இருக்க கூடாது

இந்த மாவில் இருந்து ஒரு கப் மாவை அளந்து கொள்ளவும் 3 கப் தண்ணீரை கொதிக்க விடவும் கொதித்ததும் நெய் விட்டு கலந்து அரிசி மாவை சிறிது சிறிதாக தூவவும்

கட்டியில்லாமல் நன்றாக கிளறவும் பின் மாவு வெந்ததும் (வெல்லத்துடன் மீதமுள்ள ஒரு கப் தண்ணீர் சேர்த்து கொதிக்க விட்டு வடிகட்டி கொள்ளவும்) வெல்லக்கரைசலை ஊற்றி நன்கு கிளறவும்

வெல்லப் பாகு மாவுடன் சேர்ந்து கெட்டியாக வந்ததும் ஏலத்தூள் வேகவைத்த கடலைப்பருப்பு சேர்த்து நன்கு கிளறவும் பின் நெய்யில் வறுத்த முந்திரி மற்றும் நெய்யை சிறிது சிறிதாக சேர்த்து பாத்திரத்தில் ஒட்டாமல் வரும் வரை நன்றாக கிளறி இறக்கவும்

சுவையான ஆரோக்கியமான திருவாதிரை களி ரெடி