பூரி செய்ய கோதுமை மாவுடன் ரவை உப்பு எண்ணெய் சேர்த்து பிசிறி விடவும் பின் சிறிது சிறிதாக தண்ணீர் தெளித்து நன்கு பிசைந்து கொள்ளவும் பின் 1 மணி நேரம் வரை ஈரத்துணி கொண்டு மூடி ஊறவிடவும்

உருளைக்கிழங்கை கழுவி வேகவைத்து ஆறவிட்டு தோல் உரித்து கொள்ளவும்

பின் மிகவும் நைசாக இல்லாமல் ஒன்னும் பாதியா பொடித்து கொள்ளவும்

வாணலியில் எண்ணெய் விட்டு சூடானதும் கடுகு சோம்பு சேர்த்து வெடித்ததும் கடலைப்பருப்பு சேர்த்து சிவக்க விடவும் பின் வரமிளகாய் கறிவேப்பிலை சேர்த்து வதக்கவும் பின் துருவிய இஞ்சி சேர்த்து மணம் வர வறுக்கவும்

பின் இடித்த பூண்டு சேர்த்து பச்சை வாசனை போக வதக்கவும் பூண்டு நன்கு சிவந்ததும் வெங்காயத்துடன் நறுக்கிய பச்சைமிளகாய் சேர்த்து வதக்கவும்

வெங்காயம் நன்கு பொன்னிறமாக வரும் வரை வதக்கவும்

பின் பொடியாக நறுக்கிய தக்காளி சேர்த்து வதக்கவும் பின் மசித்த உருளைக்கிழங்கு சேர்த்து நன்கு கிளறவும்

பின் தேவையான அளவு உப்பு மற்றும் மஞ்சள் தூள் சேர்த்து நன்கு கிளறவும்

பின் சிறிது தண்ணீர் சேர்த்து மெல்லிய தீயில் 5_8 நிமிடங்கள் வரை பச்சை வாசனை போக கொதிக்க விட்டு கொத்தமல்லி தழை தூவி இறக்கவும்

பிசைந்து வைத்துள்ள மாவை சின்னச் சின்ன உருண்டைகளாக உருட்டி கொள்ளவும் பின் அதை தேய்த்து சூடான எண்ணெயில் போடவும்

இந்த டிப்ஸ் எல்லாம் கவனித்து செய்தால் பூரி புஸ் புஸ் னு வரும் போடும் போது எண்ணெய் சூடாக இருக்க வேண்டும் போட்டதும் கரண்டி கொண்டு கிளற கூடாது மெதுவா அதுவே எழுந்து வரும் பின் மெதுவாக திருப்பி விடவும்

இரண்டு புறமும் நன்றாக சிவந்து புஸ் புஸ் என்று வந்ததும் இறக்கவும் பூரியை திக்காக தேய்க்காமல்

சுடச்சுட மசாலா உடன் பரிமாறவும்