ஒரு கடாயில் எண்ணெய் ஊற்றி காய்ந்ததும் சீரகம் பட்டை லவங்கம் ஏலக்காய் பிரியாணி இலை சேர்த்து பின் வெங்காயம் மிளகாய் மற்றும் கறிவேப்பிலை சேர்த்து நன்கு வதக்கவும். சிறிது உப்பு மற்றும் மஞ்சள் தூள் சேர்த்து வதக்கவும்.

வெங்காயம் வதங்கியதும் இஞ்சி பூண்டு விழுது சேர்த்து வதக்கவும். பின்னர் தக்காளி சேர்த்து வதக்கவும்.

தக்காளி வதங்கியதும் மிளகாய் தூள் மல்லி தூள் கரம் மசாலா சேர்த்து வதக்கவும். பின் மட்டன் சேர்த்து நன்கு பிரட்டி விடவும். பின்னர் தேவையான அளவு தண்ணீர் மற்றும் உப்பு சேர்த்து நன்கு வேக விடவும்.

மட்டன் நன்றாக வெந்து தண்ணீர் வற்றி ஓரங்களில் எண்ணெய்பிரிந்து வரும் நிலையில் இறக்கி சூடாக பரிமாறவும்.