ப்ரோக்கோலி பட்டர் மசாலா🤤🤤😋(broccoli butter masala recipe in tamil)

ஒரு பாத்திரத்தில் தண்ணீரை கொதிக்க வைத்து, அதில் மஞ்சள்தூள், உப்பு சேர்த்து ப்ரோக்கோலி போட்டு, இரண்டு நிமிடம் வைத்து, கழுவி எடுத்து, தண்ணீரை வடிகட்டி வைத்துக் கொள்ள வேண்டும். அதனை ஒரு கடாயில் போட்டு நீரில்லாமல் வதக்கி எடுத்துக்கொள்ள வேண்டும்.

ஒரு கடாயில் எண்ணெய் அல்லது பட்டர் ஊற்றி பொடியாக நறுக்கிய வெங்காயம், தக்காளி,இஞ்சி பூண்டு விழுது சேர்த்து வதக்கி, பட்டை,கிராம்பு ஏலக்காய், முந்திரி, பாதாம் ஆகியவற்றை சேர்த்து நன்கு வதக்கி கொள்ள வேண்டும்.

அதனை மிக்ஸி ஜாரில் போட்டு நன்கு அரைத்து எடுத்துக்கொள்ள வேண்டும். ஒரு கடாயில் 2 ஸ்பூன் பட்டர் சேர்த்து அரைத்த விழுதையும் சேர்த்து,சிறு தீயில் வைத்து 5 நிமிடம் நன்கு கிளறி எடுத்துக்கொள்ள வேண்டும். அதனுடன் மிளகாய்த்தூள், மஞ்சள்தூள், கரம் மசாலாத்தூள், உப்பு சேர்த்து நன்கு கொதிக்க விட வேண்டும்.

இப்போது தண்ணீர் இல்லாமல் வதக்கி வைத்த ப்ரோக்கோலி சேர்த்து நன்கு வதக்க வேண்டும். தேவையான அளவு தண்ணீர் விட்டு நன்கு கொதிக்க வைக்க வேண்டும் பிறகு 5 நிமிடம் கிளறிக்கொண்டே இருக்க வேண்டும்.

ப்ரோக்கோலி வெந்து நன்கு கிரேவி பதம் வந்தவுடன் அடுப்பை அணைத்து மல்லி இலை தூவி பரிமாறலாம் சுவையான ப்ரோகோலி பட்டர் மசாலா தயார்.😋🤤