பூசணிக்காயை கழுவி தோல் சீவி கொள்ளவும்

பின் சின்ன சின்ன துண்டுகளாக நறுக்கி விதையை நீக்கி விட்டு துருவி கொள்ளவும்

தண்ணீரை பிழிய வேண்டாம் அந்த தண்ணீர் உடனே அழுத்தி அளந்து கொள்ளவும்

குங்குமப்பூவை வெதுவெதுப்பான நீரில் 1/2 மணி நேரம் வரை ஊறவிடவும்

அளந்த பூசணிக்காயை குக்கரில் போட்டு தண்ணீர் எதுவும் ஊற்றாமல் அப்படியே மூடி வைத்து 3 விசில் வந்ததும் இறக்கி ப்ரஷர் அடங்கியதும் திறந்து கொள்ளவும்

இந்த அல்வா கிளற 1 மணி நேரம் ஆகும் இந்த குக்கரில் போடுவதால் கொஞ்சம் கிளறும் நேரம் 25_30 நிமிடங்கள் குறையும் தண்ணீர் எதுவும் சேர்க்க வேண்டாம் பூசணிக்காயில் இருக்கும் தண்ணீரே போதுமானது

பின் வாணலியில் நெய் சிறிது விட்டு முந்திரியை வறுத்து எடுக்கவும்

பின் பொன்னிறமாக முந்திரியை வறுத்து எடுக்கவும் பின் மீண்டும் சிறிது நெய் விட்டு வேகவைத்த பூசணிக்காயை சேர்த்து நன்கு வதக்கவும்

இடை இடையே சிறிது நெய் விட்டு பத்து நிமிடம் வரை தண்ணீர் வற்றும் வரை வதக்கவும்

தண்ணீர் எல்லாம் சுண்டியதும் சர்க்கரை சேர்த்து கிளறவும் பூசணிக்காயை அளந்த அதே கப்பில் 3/4 கப் அளவிற்கு சர்க்கரை சேர்க்கவும்

சர்க்கரை கரைந்து இளகி வரும் கைவிடாமல் கிளறி விடவும் மெல்லிய தீயில் வைத்து நன்றாக கிளறவும்

பின் குங்குமப்பூ கரைசலை ஊற்றவும் நான் கலர் எதுவும் சேர்க்கவில்லை குங்குமப்பூவே நல்ல கலர் மற்றும் மணம் கொடுக்கும்

தொடர்ந்து கைவிடாமல் கிளறி விடவும்

சர்க்கரை முழுவதும் கரைந்ததும் சர்க்கரை சேர்த்ததும் முதலில் இளகி பின் கெட்டியாகும் அப்போது 1/4 லெமன் ஃபீஸ் 1 ஸ்பூன் லெமன் சாறு விடவும் இது சர்க்கரை தொடர்ந்து கிளறும் போது கிறிஸ்டல் ஆகாம இருக்க உதவும்

பின் மீதமுள்ள நெய்யை சூடாக்கவும்

சூடான நெய்யை சிறிது சிறிதாக ஊற்றவும்

முதலில் ஊற்றிய நெய் முழுவதும் உள்ளே இழுத்த பிறகு மீண்டும் நெய்யை ஊற்றவும் தொடர்ந்து சூடாக்கி கொண்டே ஊற்றவும் அதாவது சூடான நெய்யை ஊற்றி கிளறவும் 3 முறையாக பிரித்து சிறிது சிறிதாக ஊற்றி கிளறவும்

பின் வறுத்து வைத்துள்ள முந்திரியை சேர்த்து கிளறவும்

ஏலக்காயை பொடி செய்து கொள்ளவும்

பின் ஏலத்தூள் சேர்த்து நன்கு கிளறவும் ரொம்ப கெட்டியா கிளறி எடுக்க வேண்டாம் தளதளன்னு சைடு எல்லாம் ஒட்டாம பாத்திரத்தில் சுழண்டு வரும் அதுவே பதம் கரண்டியில திருப்பி விடும் போது தண்ணீர் வராது அதுதான் சரியான பதம் அந்த பதத்தில் இறக்கி ரோஸ் எசென்ஸ் சேர்த்து நன்கு கிளறவும்

தளதளவென்று இருக்கும் போது எடுத்தா ஆறும் போது சரியாக இருக்கும் முதலிலே கெட்டியாக எடுத்தா கல் மாதிரி ஆகி விடும்

கரண்டியில் எடுத்து போடும் போது ஒட்டாம விழுக வேண்டும்

பதம் பார்த்தாலே தெரியும் அல்வாவை வாணலியில் மாற்றி கிளறும் போது பூசணிக்காயை கிளறும் போது மிதமான தீயில் வைத்து நன்றாக கிளறவும் பின் சர்க்கரை சேர்த்த பிறகு இறக்கும் வரை மெல்லிய தீயில் வைத்து நன்றாக கிளறவும் அது தான் சரியான பதத்தில் இருக்கும்

சூப்பரான காசி அல்வா ரெடி கல்யாண வீட்டு ஸ்பெஷல்

சுவையான ஆரோக்கியமான எளிதான காசி அல்வா பூசணிக்காய் அல்வா ரெடி