பாலக்கீரை கோதுமை தோசை

200 மிலி தண்ணீரை கொதிக்க வைத்து அதில் நன்றாக சுத்தம் செய்து அலசிய பாலக்கீரை, பச்சை மிளகாய், பூண்டு பற்கள் சேர்த்து அடுப்பை அணைத்து மூடி வைக்கவும்.

10 நிமிடங்கள் கழித்து தண்ணீரை வடிகட்டி தனியாக வைக்கவும்.

கீரையை பூண்டு, பச்சை மிளகாய் சேர்த்து மிக்ஸியில் நைஸாக அரைத்துக் கொள்ளவும்.

வடிகட்டி வைத்த கீரை தண்ணீருடன் கோதுமை மாவு, அரிசி மாவு, உப்புத் தூள் சேர்த்து நன்றாக கரைத்துக் கொள்ளவும்.

தயிர், அரைத்த கீரை விழுது சேர்த்து நன்றாக கலக்கவும்.

இந்த மாவை சாஸ் பாட்டிலில் அல்லது ஒரு பிளாஸ்டிக் கவரில் ஊற்றவும்.

கவரில் ஊற்றினால் ஓரத்தில் சிறு துளை போடவும்.

இவ்வாறு ஊற்றி வைத்த மாவை சூடான தோசைக்கல்லில் விருப்பப்பட்ட வடிவத்தில் ஊற்றலாம்.

குழந்தைகளை கவரும் சத்தான தோசை ரெடி.

சட்னி, சாம்பார் அல்லது குருமாவுடன் சாப்பிட்டால் சுவையாக இருக்கும்