भेंडी स्वच्छ धुवून पुसून घ्यावी देठं काढून 1 इंचाचे तुकडे करून घ्यावे पॅनमध्ये 2 टेबलस्पून तेल गरम करून त्यावर भेंडी लाईट गोल्डन ब्राऊन कलर पर्यंत परतून घ्यावी मीठ घालून मिक्स करावे आणि बाजूला काढून ठेवावी. कांदा लसूण आलं मिरची बारीक चिरून घ्यावे टोमॅटो मिक्सरमध्ये बारीक वाटून प्युरी करून घ्यावी.खडा मसाला काढून ठेवावा.

पॅनमध्ये 2 टेबलस्पून तेल घालून त्यावर खडा मसाला घालावा त्यानंतर कांदा घालून 2 मिनिटे परतून घ्यावे. आल लसुण मिरची घालून परतून घ्यावे. टोमॅटो प्युरी घालून मिक्स करावे.

मसाला परतून त्यावर तिखट हळद धने-जीरे पावडर घालून एकत्र करावे.दही फेटुन घ्यावे आणि पॅनमध्ये घालावे.मसाल्याचे तेल सुटेपर्यंत परतावे.1 कप पाणी घालून मिक्स करावे.

उकळी आली की बाजूला काढून ठेवलेली भेंडी गरम मसाला साखर कोथिंबीर घालून मिक्स करावे 10 मिनिटे झाकण ठेवून शिजवावे.कसुरी मेथी घालून मिक्स करावे आणि गॅस बंद करावा.

चिरलेली कोथिंबीर घालून भाजी पोळी भाताबरोबर सर्व्ह करावी.