મેંગો સાગો પુડિંગ બનાવવા માટેની રીત : સૌ પ્રથમ ¾ કપ સાબુદાણા લ્યો, તેને 2 વાર પાણીથી ધોઈને પાણીમાં 1 કલાક માટે પલાળી લ્યો. સાબુદાણા પાણી વધારે એબ્ઝોર્બ કરતા હોવાથી પાણીનું પ્રમાણ વધારે રાખવું.
સાબુદાણા બરાબર પલળીને પોચા થઈ જાય, એટલે એક બાઉલ પર મોટી ગળણી રાખી તેમાં પાણી સહીત પલાળેલા સાબુદાણા ઉમેરી પાણી નિતારવા માટે મૂકો.

પાણી નિતરે એ દરમ્યાનમાં એક થીક બોટમ્ડ પેનમાં 1 લીટર મિલ્ક ઉમેરી મિડિયમ ફ્લૈમ પર ગરમ મૂકો. થોડું ગરમ થાય એટલે તેમાં ½ કપ મિલ્ક પાઉડર ઉમેરી બરાબર મિક્ષ કરી લ્યો.
હવે સ્લો ફ્લૈમ રાખી સતત હલાવતા રહો. મિલ્ક થોડું વધારે થીક થાય એટલે તેમાં પાણી નિતરી ગયેલા સાબુદાણા ઉમેરીને મિક્ષ કરી લ્યો.

સ્લો ફ્લૈમ રાખી 3-4 મિનિટ ઢાંકીને કૂક થવા દ્યો, જેથી જલ્દી કૂક થઈ ટ્રાંસપરંટ થઈ જાય. વચ્ચે એકાદ વખત હલાવી લ્યો. જેથી બોટમ પર મિશ્રણ સ્ટીક ના થઈ જાય.

હવે ઢાંકણ ખોલી જુઓ....સાબુદાણા ટ્રાંસપરંટ ના થયા હોય તો થોડી વાર વધારે કૂક કરીને બરાબર ટ્રાંસપરંટ થઈને સ્પોંજી જેવા થવા દ્યો.
ટ્રાંસપરંટ થઈ જાય ત્યારબાદ ½ કપ ડેસિકેટેડ કોકોનટ અને ½ કપ + 1 ટેબલ સ્પુન ખાંડ (અથવા તમારા સ્વાદ મુજબ) ઉમેરો. બરાબર હલાવી મિક્ષ કરી લ્યો.ખાંડ મેલ્ટ થાય ત્યાં સુધી હલાવો.

ત્યારબાદ તેમાં 1 કપ મેંગો પલ્પ ઉમેરી મિક્ષ કરી લ્યો. પુડિંગના મિશ્રણમાં મેંગોનો સરસ ઓરેંજ કલર આવી જશે.
હવે તેમાં ½ ટી સ્પુન ઇલાયચી પાઉડર ઉમેરી મિક્ષ કરો.

ત્યારબાદ ફ્લૈમ ફાસ્ટ રાખીને સતત હલાવતા જઈને પુડિંગનું મિશ્રણ થોડું ઘટ્ટ કરી લ્યો. આ મિશ્રણ ઠંડું થયા પછી વધારે ઘટ્ટ થશે. તેથી રેડી પુડિંગ કરતા થોડી ઓછી થીક એવી કંસિસટંસી થાય એટલે ફ્લૈમ ઓફ કરી દ્યો. તો હવે મેંગો સાગો પુડિંગ રેડી છે.હવે પુડિંગના મિશ્રણને ફ્લેમ પરથી નીચે રીપ્લેસ કરી લ્યો.
મેંગો સાગો પુડિંગ એક બાઉલમાં ટ્રાંસફર કરી લ્યો. ઠરવા માટે થોડી થોડી વારે હલાવતા રહો. રુમટેમ્પરેચર પર આવે એટલે રેફ્રીઝરેટરમાં ½ થી 1 કલાક ઠંડું થવા મૂકો.