Sub sy phly sary oreo biscuits mein sy cream ko alag kar lay.

Us ke baad in sary oreo biscuits ko grinder mein grind kar ke powder bana lay.

Ab is oreo powder ki dough ready kary.

Sub sy phly oreo powder mein 5 tbsp malai wala milk add kary or is ke baad dark chocolate ko melt kar lay or issi melt chocolate ke sath dough ko gond lay dough ko hard rakhna hai.

Ab is ke baad oreo biscuits ki cream lay is mein sary dry fruits add kary or 1/2 cup desiccated coconut b shamil kar lay.

Phir 2 tbsp milk lay us mein 1 pinch zafran strands dal kar achi tarha mixed kary or wo milk is cream mein mila dy.

Or last mein orange food colour dal kar is sari cheezo ki ak dough bana lay.

Ab is oreo cream wali dough ko roll kar lay aram aram sy taky ye toty nahi.

Ab ak foil ya butter paper lay usko oil sy grease kary or us mein ye chocolate oreo biscuits wali jo dough thi wo rakhy or halky hato sy press kar ke thora sa bara kary.

Or is ke uper dosra foil paper rakhy or is dough ko roti banany wali balan sy bara kary.

Jub dough pori tarha sy ak roti ki shape mein ban jaye tb is sy uper wala foil papar hata dy or is roti mein cream wali dough rakh kar halka halka foil ki madad sy slowly slowly or tightly is ke uper roll ko press karty jaye.

Ab thora barhaye gy or foil ko peechy khenchy gy ab wapis sy roll kko gomaye gy or foil ko peechy lay gy or shapeup kary or issi tarha roll bana kar sari taraf sy halka sa ak sath karty howy side ko dabaty howy hum isko roll kar lay gy.

Ab is roll ko 2 hour ke liye fridge mein rakh dy gy.

2 hour ke baad isko fridge sy nekal dy or isko dono side sy thora thora cut kar lay.

Ab ak chopping board par poppy seeds daly or is roll ko is mein roll kar dy.

Is ke baad roll ko cut kar lay or dishout kar lay.

Yummy and delicious chocolate roll delight ready to serve.