முதலில் நண்டை சுத்தமாக கழுவி எடுத்துக் கொள்ளவும். அடுப்பில் கடாய் வைத்து பட்டை,ஏலக்காய், கிராம்பு, சோம்பு, சீரகம், மிளகு, மல்லி சேர்த்து வறுக்கவும். கடைசியாக தேங்காய் துருவல் சேர்த்து வறுத்து இறக்கி ஆறவைக்கவும்.

பின் அதனை மிக்ஸியில் அரைத்து எடுத்து கொள்ளவும். பின் அடுப்பில் வாணலியை வைத்து சிறிதளவு எண்ணெய் விட்டு காய்ந்ததும் கடுகு, கறிவேப்பிலை, வரமிளகாய், பொடியாக நறுக்கிய வெங்காயம், பச்சை மிளகாய்,சேர்த்து வதக்கவும். பின் நறுக்கிய தக்காளி சேர்த்து வதக்கவும். உப்பு தேவைக்கேற்ப சேர்த்து கொள்ளவும்.

நன்றாக வதங்கியதும் நண்டு சேர்க்கவும். பின் மஞ்சள் தூள், மிளகாய் தூள், மல்லித்தூள், சேர்த்து கிண்டவும்.

அரைத்த மசாலாவை சேர்த்து கிளறி விட்டு சிறிதளவு தண்ணீர் சேர்த்து நண்டை 15 நிமிடம் வேகவைக்க வேண்டும்.