வெங்காயத்தைப் பொடியாக நறுக்கிக் கொள்ளவும். கீரையை சுத்தம் செய்து கொதிக்கும் தண்ணீரில் சிறிது நேரம் போட்டு எடுத்து குளுமையான தண்ணீரில் அலசி ஒரு மிக்ஸி ஜாரில் சேர்த்து மையாக அரைத்துக் கொள்ளவும்.

கடாயில் எண்ணெய் ஊற்றி வெங்காயத்தை சேர்த்து பொன்னிறமாக வரும் வரை வதக்கி பச்சை மிளகாய், இஞ்சி பூண்டு சேர்த்து வதக்கவும். பின்பு தக்காளி விழுது சேர்த்து பச்சை வாசனை போகும் வரை வதக்கி மஞ்சள் பொடி மிளகாய் பொடி சேர்த்து வதக்கவும். கீரை விழுதைச் சேர்த்து நன்கு வதக்கி, உப்பு, ஸ்வீட் கார்ன், தண்ணீர் சேர்த்து சிறிது நேரம் வேக விடவும். பின்பு தயிர் மற்றும் கரம் மசாலா சேர்த்து கிளறி கசூரி மேத்தி சேர்த்து பரிமாறவும்.