Ki wanke kazarki da lemon tsami ki fitar da duk wani datti da karni.

Sai ki samo tukunyarki mai tsabta ki daura kan huta.

Ki dauko yankakkiya albasarki ki zuba a tukunyar sai ki debo ruwa ki zuba.

Ki dauko dakakkiyar tafarnuwarki, masoro kaninfari da citta, tumatir dinki guda daya, oil one tpsn duk ki zuba acikin tukunyar, ki saka maggi biyu sai ki rufe tukunyar, har sai komai ya mutu.

Idan albasa ta narke, sai ki dauko kazarki ki zuba aciki, sai ki kara ruwa da dan dama dan kazar ta dahu sosai.

Idan ya dahu shikenan sai a rage wutan a bar kazar da romo. shikenan kin gama sai ci.

Zaki iya ci da bread, ko patera ko fankaso ko kici haka ma.