Bowl mein maida,namak,ajwain aur ghee dal kar ache tarhan mix kar lein.

Thora thora kar ka pani shamil karein aur ghond kar smooth dough tayyar kar lein,geelay kapray sa dhak kar 30 minutes kliya rakh dein.

Bowl mein aloo dal kar halka sa mash kar lein,matar,hara dhania,green chilli,namak,lal mirch powder, dhania powder,haldee powder,chaat masala aur garam masala powder dal kar ache tarhan mix kar lein.

Pot mein oil aur zeera dal kar mix karein aur aloo ka mixture dal kar 2 minutes kliya fry karein aur thanda kar lein.

Haathon ko pani sa geela kar ka dough ko dubara ghond lein.

Small dough la kar ball bana lein,atta mein coat kar ka rolling pin ki madad sa oval shape mein bail lein aur do pieces mein cut kar lein.

Dough ki ek side per pani laga lein,do sides/edges ko join kar ka cone bana lein aur halka sa press kar ka cone ko seal kar lein.

Cone mein potato stuffing bhar dein,edges per pani laga kar edges ko ek saath ache tarhan seal kar lein.

Baqi samosay bhi asa he tayyar kar lein aur side per rakh dein.

Karhai mein oil garam karein aur halki darmiyani ancch per golden hunay take fry kar lein.

Garma Garam Samose taiyar hain.