1. Bare pateele main chawal hasbe zaiqa namak 1 teaspoon lemon juice or long dar cheeni safaid zeera baadiyan k phool taiz patta or saare garam masalay daal kar boil karen.

Aik saucepan main half cup ghee daalen or aaloo'on ko kaat kar us main halka sa food color daal kar fry karlen

Aik pateli main taqreeban 2 cup oil daalen. 1 kg pyaaz ko brown karen. Us main tamatar k gol slices daalen. Adrak lassan ka paste daalen. Hari mirch ka paste daalen or adha kilo dahi daal kar use achi tarhan bhoonain or 2 and a half packet biryani masala add karlen.

Jub shorbay main tail upar aajaye to us main chicken daal kar use gal jane tak pakain. Jub chicken gal jaye to chulhay ki aanch halki karen or 50 gram aaloo bukharay dho kar daalden.

1 bari pateli len. Us main chawalon ki teh lagain or tayyar kiye hoay salan ka oil daalen. Us k baad dobara chawalon ki teh lagain or tayyar ki hoi chicken daalen. Alag se fry kiye hoay aaloo daalen. Us k baad upar se dobara se chawalon ki teh lagain or baqia saalan bhi daal den.

Ab us k upar brown ki hoi pyaaz,bareek kutra hoa podina, saabit hari mirchain darmiyaan se kaat k, lemon juice, food colour pani main hal kar k, jaifal javitri ka powder, biryani essence, lemon, or tamatar k slices daalen. Achi tarhan 15 minute k liye dum de den. Chawal mix kar k chulha band karden.