પહેલા દુધ ને નવસેકુ કરી તેમાં 2 ચમચી ઘી ઊમેરી મિક્સ કરી લો.

હવે એક બાઉલમાં અડદ નો લોટ લો અને તેમા દુધ અને ઘી નુ મિશ્રણ ઊમેરો અને એકસરખું હાથેથી મીકસ કરી લો.

હવે તેને ચાળણી વડે ચાળી લો.

હવે એલચી, તજ, લવિંગ, જાવંત્રી ને મિક્સરમાં પીસી લો અને તેને એક વાટકી મા લઈ સુંઠ પાવડર તેમા ઊમેરી ને મીકસ કરી લો. અડદીયા નો મસાલો તૈયાર છે.

કાજુ અને બદામ ના નાના નાના ટુકડા કરી લો.

હવે એક કડાઈમાં થોડુ ઘી ગરમ કરો અને તેમાં કાજુ અને બદામ ને બદામી રંગ ના સાંતળી એક ડીશમાં કાઢી લો. અને એજ ઘી માં ગુંદ ને પણ તળી લો અને ડીશમાં કાઢી લો.

હવે એજ કડાઈમાં બાકી નુ ઘી ઊમેરો અને થોડૂ ગરમ થાય એટલે તેમાં અડદ નો લોટ ઊમેરો અને બદામી થાય ત્યાં સુધી સેકી લો. હવે ગેસ પર થી ઉતારી લો.

હવે તેમાં તળેલા કાજુ અને બદામ તથા ગુંદ ઊમેરો. અને સાથે અડદીયા નો મસાલો પણ ઊમેરો અને મિક્સ કરી લો. અને ઠંડુ થવા રાખી દો.

હવે ગેસ ચાલુ કરી એક તપેલીમાં ખાંડ લઈ તેમાં ખાંડ ડુબે એટલું પાણી ઊમેરો અને ડોઢ તાર ની ચાસણી થાય ત્યાં સુધી હલાવો અને પછી ગેસ બંધ કરી ચાસણી ઉતારી લો.

હવે તૈયાર કરેલા અડદીયા ના મિશ્રણ મા ચાસણી ઊમેરો અને મિક્સ કરી લો.

હવે હાથેથી નાના નાના અડદીયા વાળી લો અને થાળી મા રાખતા જાવ.

અડદીયા ઠંડા પડે એટલે ડબ્બા મા ભરી લો. તો તૈયાર છે અડદીયા.