લાલ મરચાં ને સારી રીતે ધોઈ ને હુંફાળા પાણીમાં ૨ કલાક સુધી પલાળવા દો.પછી તેમાં થી પાણી નીતારી લો અને મીક્ષરમાં બરાબર પીસી લો. જરૂર પડે તો નીતારેલુ પાણી ઉમેરી ને સરસ પેસ્ટ બનાવી લો. હવે એજ મરચાં વાળી જાર માં જ લસણ ની કળી અને આદું લઈ બરાબર પીસી લો.

એક કડાઈમાં તેલ ગરમ કરી તેમાં જીરું નાખી સહેજ સાંતળો. પછી તેમાં તૈયાર કરેલી લસણ મરચાં ની પેસ્ટ તથા સ્વાદ અનુસાર મીઠું ઉમેરી ધીમા તાપે ચડવા દો. થોડીવાર ઢાંકણ ઢાંકી ને ધીમા તાપે ચડવા દો. વચ્ચે વચ્ચે હલાવતા રહો જેથી નીચે બેસી ન જાય. તેલ બધું ઉપર આવી જાય એટલે ગેસ બંધ કરી ચટણી ને ઠંડી થવા દો. પછી તેમાં લીંબુનો રસ ઉમેરી બરાબર મિક્સ કરી લો.

આ ચટણી ને ૮ દિવસ સુધી બાહર અને ૧૫ થી ૨૦ દિવસ સુધી ફ્રીજ મા સ્ટોર કરી શકાય છે.