સૌપ્રથમ દૂધીના હલવા માટે ની બધી આઇટમ તૈયાર કરી લેવી. ત્યારબાદ દૂધીને છાલ ઉતારી ને ખમણી લેવી. અને બધું પાણી નીચોવી લેવું.

ત્યાર બાદ એક લોયામાં ઘી ગરમ કરીને દૂધી નું ખમણ એડ કરવું.દસ મિનિટ ગુલાબી થાય ત્યાં સુધી સાંતળવી. દુધી સાંતળાઈ જાય પછી દૂધ નાખી અને હલાવો.

એકદમ ઘટ્ટ થઈ જાય પછી ખાંડ એડ કરવી ખાંડ ઓગળી જાય ત્યાં સુધી હલાવો. ત્યારબાદ ઉપર થોડું ઘી નાખીને ગેસ બંધ કરી દેવો. અને ઈલાયચીનો પાવડર ખાંડ સાથે મિક્સરમાં પીસી અને એક ચમચી નાખો.

ત્યારબાદ થોડું કેસર એક ચમચી દૂધમાં પલાળીને હલાવો. કેસરનો કલર આવી જાય પછી તેને હલવા મા એડ કરી અને સરખું હલાવીને મિક્સ કરી લેવું. ત્યારબાદ એક થાળીમાં ઘી લગાવી અને હલવો ઠારી દેવો.