હવે કુકરમાં બધા જ શાક ડુંગળી, ટામેટું, લસણ બધુ જ એક સાથે કુકરમાં લઈ લેવુ. તેમાં મીઠું અને જરૂર પુરતુ પાણી ઉમેરી બાફી લેવુ. બફાઈ જાય એટલે શાકમાંથી પાણી અલગ કાઢી લેવુ અને શાકને મેશ કરી લેવુ.

કડાઈમાં તેલ અને બટર લઈ હુંફાળું ગરમ થાય એટલે તેમાં લાલ મરચુ, હળદર, પાવભાજી મસાલો ઉમેરી 3 ચમચી પાણી ઉમેરી લેવુ. પાણી બળી જશે અને મસાલો સરસ ચડી જશે ને તેલ છુટુ પડી જસે. (આમ કાચા તેલમાં વઘાર કરવાથી તેલ જલ્દી છુટુ પડશે અને ઓછા તેલમાં પણ ભાજી બનાવી શકાય)

મસાલામાંથી તેલ છૂટુ પડે એટલે બાફેલું શાક ઉમેરી મિક્સ કરી લેવુ. ત્યાર બાદ બાફેલું શાકનું પાણી ઉમેરી લેવુ. ઢાંકીને ઉકળવા દેવુ. ભાજી જોઈતા પ્રમાણમાં ઘટ્ટ થઈ જાય એટલે ગેસ બંધ કરી લીંબુ અને કોથમીર ઉમેરી લેવુ. ઉપરથી બટર ઉમેરી ભાજી સર્વ કરવી.