સૌ પ્રથમ સીંગદાણાને ધીમા તાપે શેકી લેવા. ઠરી જાય એટલે મિક્સરમાં તેનો ઝીણો ભૂકો કરી લેવો.

એક તપેલીમાં ખાંડ લઈ તે ડૂબે તેટલું પાણી નાખવું. હવે તેને ગેસ ઉપર ગરમ કરવા મૂકવું. એક તારની ચાસણી થાય ત્યાર પછી ગેસ બંધ કરી તપેલી નીચે ઉતારી લેવી. તેમાં સીંગદાણાનો ભૂકો નાંખી બરાબર મિક્સ કરી લેવું.

તેમાં બે ચમચી ઘી ઉમેરવું જેથી કરીને માંડવીપાક સોફ્ટ બને.

ત્યારબાદ એક થાળીમાં ઘી લગાડી માંડવીપાક તેમાં પાથરી દેવો અને ઠરે પછી તેના પીસ કરવા.