ગાય નું દૂધ ગરમ કરવું ઉકળો આવે એટલે લીંબુ નો રસ નાખી ફાડવું. હવે એને હલાવી દૂધ પાણી છૂટું પડે એટલે એક વાસણ મા મલમલ નું કપડું મૂકી ફાડેલાં દૂધ ને કાઢી લેવું. અને બરાબર નીચોવી નળ ના પાણી મા છેના ધોઈ લેવો 2-3વખત.(આ પ્રોસેસ ખૂબ ઝડપ થી કરવી)અને વધારા નું પાણી નીચોવી કોરો છેના કરી થાળી મા કાઢવો

હવે છેના થાળી મા મસળવો. અને બંને હાથ ની હથેળી મા લઇ મસળવો આ રીતે 5-7મીન. મસળી ને લાંબો રોલ જેવો કરવો. તડ પડે તો ફરીથી મસળવું. અને પછી 1ચમચી ખાંડ ઉમેરવી અને મસળવું. ફરીથી એક ચમચી ખાંડ ઉમેરી મસળી ને રોલ વાળી નાના લુઆ કરવા.હલકુ લાગે ત્યાં સુધી મસળવું.

હવે એક બાજુ ખાંડ ને 1ગ્લાસ પાણી નાખી ઉકાળવું ઉકળે એટલે 2ચમચી દૂધ નાખી પાણી ગાળી લેવું.જેથી મેલ નીકળી જાય અને ફરીથી ઉકળે એટલે બધાં છેના બોલ્સ મૂકી 10-12મીન. ઢાંકી ને થવા દેવા. હવે બોલ્સ ઉપર આવે એટલે ગેસ બંધ કરી બરફ ના ટુકડાં ઉમેરવાં. અને ખુલ્લા રાખવા.

હવે છેના બોલ્સ ને બહાર કાઢી સહેજ બંને હથેળી વચ્ચે દબાવી ચપટા કરી દૂધ મા મૂકી ઠંડા કરવા 3-4કલાક અને પરોસવા. પિસ્તા ની કતરણ થી સજાવા. તૈયાર છે સ્વાદિષ્ટ રસ મલાઈ.