પેપર*
સૌ પ્રથમ ચોખા, તુવેરદાળ-મેથી, અને અડદની દાળ ૨૪ કલાક પહેલાં અલગ-અલગ વાટકીમાં પલાળી દેવા. ૧૨ કલાક જેટલો સમય વિત્યા બાદ એક બાઉલમાં થોડુ પાણી અને ચોખાના પૌવા, અને ઉપર મુજબની સામગ્રી પીસી લઈ તૈયાર થયેલ ખીરાને એમ જ ઢાંકીને મૂકી દેવું. ત્યારબાદ રસોઈ બનાવતી વખતે તેમાં થોડું મીઠું અને પાણી રેડી પાતળું ખીરું બનાવી પેપર બનાવી દેવા.

મસાલા માટે*
સૌ પ્રથમ બટાકા બાફી લેવા અને એક વાસણમાં ૨ પાવળા જેટલું તેલ લઈ ગરમ કરો. એમાં રાઈ, જીરું, મીઠો લીમડો, આદુ મરચાની પેસ્ટ નાખી સાંતળી લો. ત્યારબાદ ટામેટાની ગ્રેવી, હળદર, ધાણાજીરું, મીઠું અને એક ચપટી ખાંડ એડ કરો. એ બધું બરાબર મિક્ષ થાય એટલે ગેસ બંધ કરી જરૂરિયાત મુજબ લીંબુ ઉમેરો.
આ તૈયાર થયેલ વઘારને બટાટાની છાલ ઉતારી એમાં બરાબર મિક્ષ કરી દ્યો. એટલે મસાલો તૈયાર.

પેપરના નાની સાઈઝમાં ટુકડા કરી એમાં મસાલો, દાળ, દહીં, દાડમ, સેવ, કાળી દ્રાક્ષ મિક્સ કરી થાળી પીરસી દ્યો.