સૌપ્રથમ કુકર મા ધોયેલા દાળ ચોખા લઈ તેમાં હળદર અને મીઠુ નાખી એક સીટી વગાડી લેવી. દાળ ચોખા કરતા પાણી બમણું નાખવું.

હવે એક કડાઇમાં ૨ ચમચા ઘી નાખી તેમાં ગરમ થાય એટલે રાઈ અને જીરું નાખી તતળે એટલે આદુ લસણ ની પેસ્ટ અને જીણી કાપેલું ડુંગળી અને મરચાના કટકા નાખી બરાબર સાંતળી લેવી.

હવે તેમાં ટમેટું જીણું કાપેલું નાખી સાંતળવું. ટમેટું થોડું પોચું પડે એટલે બધા મસાલા નાખી થોડી વાર ચડવા દેવા અને પછી તેમાં ખીચડી નાખી ખદખદવા દેવુ.

જરૂર પ્રમાણે ૧ થી ૨ ગ્લાસ પાણી નાખી બરાબર ખીચડી થવા દેવી અને ૨ ચમચા ઘી ઉપરથી નાખવું જેથી સ્વાદમાં ભળી જાય.

બીજી બાજુ જીણું કાપેલું ગાજર થોડા પાણી સાથે બાફી લેવું અને ખીચડીમાં પાણી સાથે જ નાખી દેવુ.

અંદાજે ૧૦ મિનીટ પછી ગેસ બંધ કરી દેવો અને કોથમીર તથા ડુંગળી અને લીંબુ નાખી દાળ ખીચડી સર્વ કરવી.