સૌથી પહેલાં આપણે મકાઈ ના છોડાં કાઢી નાખીશું, ત્યારબાદ મકાઈ ને ચોખ્ખા પાણીથી ધોઈ ને એક છીણી ની મદદથી છીણી લઈશું.

ત્યારબાદ એક કડાઈમાં તેલને ગરમ કરવા મૂકો, તેલ ગરમ થઇ જાય પછી એમાં રાઈ, હિંગ, મીઠા લીમડાના પાન નાખી દો, આ બધું તતળી જાય પછી એમાં વાટેલા મરચાં નાખો, મરચાં ને થોડા શેકી ને એમાં મકાઈ નું છીણ નાખી સારી રીતે મિક્સ કરી લેવું.

ત્યારબાદ એમાં મીઠું સ્વાદ અનુસાર નાખવુ,, પછી એમાં ૨ કપ દૂધ નાખી હલાવી લો, આને પછી ઢાંકી દો, પાંચ પાંચ મિનિટે ચેક કરવું નહીંતર ચોંટી જાય છે. એકદમ ધીમા તાપે જ ચડવા દો.

ત્યારબાદ છીણ સરસ ચઢી જાય પછી એમાં તલ, લીંબુ નો રસ, કીસમીસ,ખાંડ, ગરમ મસાલો ઉમેરી લેવા આ બધું મીક્સ કરી લઈ પાંચ મિનિટ ઢાંકી ને ચડવા દેવું, પછી હલાવી ને જોઈ લેવું કલર થોડો બદલાઈ જાય પછી ગેસ બંધ કરી દેવો. ૨૦ મીનીટ માં આ ચેવડો બની જાય છે.

તો ચાલો તૈયાર છે આપણો હેલ્ધી અને ટેસ્ટી ચેવડો.