முதலில் வேகவைத்த 4 முட்டைகளை எடுத்து 1/4 டீஸ்பூன் மஞ்சள்தூள், 1/2 டீஸ்பூன் மிளகாய்த்தூள் சேர்த்து நன்றாக பிரட்ட வேண்டும்.

அடுத்து கடாயில் ஒரு டீஸ்பூன் எண்ணெய் சேர்த்து பிரட்டிய முட்டைகளை இரண்டு நிமிடம் சிம்மில் வதக்கி அடுப்பை ஆப் செய்யவும்.

பின்னர் ஒரு கிண்ணத்தில் 4 டீஸ்பூன் தயிர், 1/4 டீஸ்பூன் மஞ்சள்தூள், 1/2 டீஸ்பூன் மிளகாய்த்தூள், 1/2 டீஸ்பூன் மல்லித்தூள், 1 டீஸ்பூன் கரம் மசாலா சேர்த்து நன்றாக கலக்கவும்.

அடுத்து கடாயில் 2 டீஸ்பூன் எண்ணெய் ஊற்றி 2 பெரிய வெங்காயத்தை பொடியாக நறுக்கி சேர்த்து 5 நிமிடம் வதக்கி, 2 டீஸ்பூன் இஞ்சி பூண்டு விழுது, தயிர் மசாலாவை சேர்த்து, 1 தக்காளியை பேஸ்ட் போல அரைத்து ஊற்றவும்.

7 நிமிடம் கழித்து வதக்கிய முட்டைகளை கடாயில் போடவும். கொஞ்சம் தண்ணீர் சேர்த்து கொள்ளலாம். 3 நிமிடம் கழித்து சுவையான ஹைதெராபாத் ஸ்டைல் முட்டைக்கறி தயார்.