પહેલા પનીર ના મધ્યમ સાઈઝ ના ટુકડા કરી લો.ટામેટાને છીણી લો અને કાંદા ને ઝીણા સમારી લો.આદુ, મરચાં અને લસણ ની પેસ્ટ બનાવી લો.હવે એક પેનમાં તેલ મૂકી ગરમ થાય એટલે તેમાં પનીર ના ટુકડા સાંતળીને કાઢી લઈ બાજુ પર મૂકી દો.હવે એ જ તેલમાં લવિંગ અને તમાલપત્ર નાખી વઘાર કરી તેમાં કાંદા સાંતળી લો અને બદામી રંગ થાય એટલે તેમાં ટામેટા સાંતળી લો.પછી તેમાં આદુ, મરચાં અને લસણ ની પેસ્ટ ઉમેરવી.તેલ છુટું પડે એટલે તેમાં મીઠું, હળદર, લાલ મરચું પાઉડર, આમચૂર પાઉડર નાખી ધીમા તાપે થવા દો.

હવે પનીર ટિક્કા મસાલા મા દૂધ નાખી સરખી રીતે મિક્સ કરો જેથી સ્વાદ સારો લાગશે.આ મિશ્રણ ને ઉપર ની ગ્રેવી માં નાખી સરખી રીતે મિક્સ કરી થોડી વાર થવા દો.હવે તેમાં પનીર ના ટુકડા ઉમેરી દો.જરૂર હોય તો રસો કરવા માટે પાણી ઉમેરી શકાય.કોથમીર નાખી સહેજ વાર ધીમા તાપે થવા દો પછી ગરમ ગરમ પરોઠા અથવા નાના સાથે પીરસો.