பெரிய வெங்காயத்தை சன்னமாக அரிந்து கொள்ளவும். மிளகாய் தேவை என்றால் பொடியாக அரிந்து கொள்ளவும். கருவேப்பிலை கொத்தமல்லி பொடியாக அரிந்து கொள்ளவும். மாவை 2 கப் எடுத்து சலித்து வைத்துக் கொள்ளவும். வர மிளகாய் தூள், மஞ்சள் தூள், சீரகம் எடுத்து கொள்ளவும்.

கோதுமை மாவில் உப்பு, மஞ்சள் தூள், வரமிளகாய்த்தூள் சேர்த்து நன்கு கலந்து கொள்ளவும்.ஒரு வாணலியில் ஒரு ஸ்பூன் எண்ணெய் சேர்த்து கடுகு, சீரகம், கறிவேப்பிலை, வெங்காயம், பச்சை மிளகாய் வதக்கி கொள்ளவும். கொத்தமல்லித்தழை எடுத்து வைத்துக் கொள்ளவும்.மாவில் கொஞ்சம் கொஞ்சமாக தண்ணீர் சேர்த்து எக் பீட் டரில் கலந்து கொள்ளவும்.இதில் கலந்து விட்டால் விரைவில் கரைந்து விடும்.மேலும் கட்டி கட்டாது. பிறகு தாளித்த பொருட்களை சேர்த்துக் கொள்ளவும்.கொத்தமல்லி தழை சேர்த்து, தோசை ஊற்றும் பதத்திற்கு கரைத்துககொள்ளவும்.

படத்தில் காட்டியபடி கரைத்து கொள்ளவும்.நன்கு பீட் செய்து அடித்து கரைத்தால் தோசை மிக மிருதுவாக வரும். ஒரு மணி நேரத்தில் இருந்து 2 மணி நேரம் வரை ஊற விடவும். மாவு நன்கு ஊறினால் மிகவும் மிருதுவாக இருக்கும் தோசை.

அடுப்பில் தோசைக்கல்லை வைத்து சூடானவுடன் தோசை மாவை ஊற்றி பரவலாக தேய்க்கவும். எண்ணெய் சுற்றி ஊற்றிக் கொள்ளவும். ஒருபுறம் சிவந்தவுடன் மறுபுறம் திருப்பி போட்டு லேசாக எண்ணெய் விடவும். இப்போது ஆரோக்கியமான கோதுமை தோசை ரெடி.