முதலில் குங்குமப்பூவை 2 மேசைக்கரண்டி பால் ஊற்றி ஊற வைக்கவும். பின் ஒரு தாளிப்பு கரண்டியில் இரண்டு மேஜைக்கரண்டி நெய் சேர்த்து முந்திரிப் பருப்பை சிவக்க வறுக்கவும்‌.இதனோடு திராட்சைப் பழத்தையும் வறுத்து தனியே ஒரு தட்டில் எடுத்து வைக்கவும்.

பின்பு மீதமுள்ள நெய்யில் ரவையை ஒரு நிமிடம் வறுத்துக் கொள்ளவும்.இப்பொழுது இன்னொரு பாத்திரத்தில் ஒரு மேஜைக்கரண்டி நெய் ஊற்றி சூடுபடுத்தவும். இதில் பட்டை,ஏலக்காய் சேர்த்து தாளிக்கவும்.

அதன்பின் கால் கப் தண்ணீர் சேர்க்கவும். எடுத்து வைத்துள்ள பாலில் 750 மில்லி பாலை முதலில் சேர்க்கவும்.

பால் ஓரங்களில் கொதிக்கும் நேரத்தில் வறுத்த ரவையை சேர்த்துக் கிளறவும். இதனை முக்கால்வாசி மூடி வைத்து ஒரு நிமிடம் வேக விடவும்.

அதன் பின் சர்க்கரையை சேர்த்து கரைக்கவும். சர்க்கரை சேர்ந்தவுடன் சிறிது நீர்க்க ஆரம்பிக்கும். இதனை கொதிக்க விடவும். இதனோடு மீதமுள்ள 250 மில்லி பாலையும் சேர்க்கவும். குங்குமப்பூ பாலை சேர்த்து கிளறவும்.

இறுதியில் வறுத்த முந்திரி திராட்சையை ஒரு மேஜைக்கரண்டி மட்டும் நிறுத்தி வைத்து மீதமுள்ள அனைத்தையும் சேர்க்கவும். ஒரு கிளறு கிளறி பரிமாறும் கப்புகளில் ஊற்றவும்.அதன்மேல் அலங்கரிக்க நிறுத்தி வைத்த முந்திரி, திராட்சை மற்றும் பாதாம் பருப்பு சேர்க்கவும். அவ்வளவு தான் மிகவும் ருசியான ரவை பால் பாயாசம் சுவைக்க தயார்.