முதலில் அரிசி மாவினை வாணலியில் போட்டு நிறம் மாறாமல் வறுத்து கொள்ளவும், கடலைப்பருப்பை 1/2 மணிநேரம் ஊறவைத்து கொள்ள வேண்டும், காய்ந்த மிளகாய் வறுத்து பொடி செய்து கொள்ளவும், உளுத்தம்பருப்பு பொன்னிறமாக வறுத்து பொடி செய்து சளித்து கொள்ள வேண்டும், பூண்டு நசுக்கி கொள்ளவும்...

அகலமான பாத்திரத்தில் அரிசி மாவு, உளுத்தம் மாவு, பெருங்காயத்தூள், ஊறவைத்த கடலைபருப்பு, மிளகாய் பொடி, கறிவேப்பிலை, தேவையான அளவு உப்பு, நசுக்கிய பூண்டு, கொஞ்சம் சூடான எண்ணெய் ஊற்றி நன்கு நீர் விடாமல் கலந்து கையால் பிடித்து பார்த்தால் மாவு ஒன்றாக ஒட்ட வேண்டும்

அந்த நேரத்தில் கொஞ்சம் கொஞ்சமாக தண்ணீர் சேர்த்து நன்கு கெட்டியாக பிசைந்து கொள்ளவும்,

தேவையான அகலத்திற்கு ஏற்ற படி சிறு சிறு உருண்டைகளாக உருட்டி ஒரு பிளாஸ்டிக் கவர் எடுத்து கொள்ள வேண்டும், அந்த உருண்டையை கவர் மீது வைத்து அதன் மேல் கவர் வைத்து ஒரு அடிகனம் மற்றும் அகலமான பாத்திரத்தை வைத்து அழுத்தி எடுத்து கொள்ள வேண்டும்

வாணலியில் எண்ணெய் ஊற்றி காய்ந்ததும் அழுத்தி வைத்துள்ள மாவினை போட்டு இரண்டு புறமும் வேகும் வரை மிதமான தீயில் பொறித்து எடுக்கவும், இப்போது சுவையான தட்டை ரெடி.......