पॅनमध्ये थोडे तूप घालून काजू सोनेरी रंगावर तळून घ्यावे...व उभा कापलेल्या कांद्याचे काप सोनेरी रंगावर, कुरकुरीत होईपर्यंत तळून घ्यावेत

पनीर मॅरिनिट करून घ्यावे.. एक कप दही, दोन तीन उभ्या कापलेल्या हिरव्या मिरच्या,एक टीस्पून बिर्याणी मसाला, हळद अर्धा टीस्पून, धनेपूड एक टीस्पून,मीठ चवीनुसार, कसुरी मेथी, बारीक चिरलेली कोथिंबीर, पुदीना बारीक तुकडे करून,तळलेला कांदा थोडासा कुस्करून, एक टीस्पून लाल तिखट, एक टेबलस्पून तेल घालून हे जिन्नस सगळे मिक्स करावे व त्यात पनीर घालून चांगले मिक्स करावे..व अर्धा तास झाकून ठेवावे..

पातेल्यात दोन टेबलस्पून साजूक तूप घालून जिरं घालावं व कांदा घालून परतून घ्यावा... बिर्याणी मसाला घालून एक मिनीटभर परतुनी घ्यावे.टाॅमेटो चिरलेले, एक टेबलस्पून धनेपूड, दोन हिरव्या मिरच्या उभ्या कापलेल्या, हळद,आलेलसुण पेस्ट,लाल तिखट हे सगळे जिन्नस एकत्र मिसळून घ्यावे.. पाणी घालावे आणि बारीक चिरलेली कोथिंबीर घालावी.. मीठ घालून दोन तीन मिनिटे शिजवुन घ्यावे..

पातेल्यातील ग्रेव्ही गॅसवर ठेवून त्यात आधी भाताची लेअर लावावी.त्यावर एक टीस्पून तुप घालून त्यावर मॅरिनिट केलेल्या पनीर ची लेअर लावावी..परत उरलेल्या भाताची लेअर लावावी..व कोथिंबीर,तुप,तळलेला कांदा हे घालून केशर दुध घालावे....भात शिजवलेले उरलेले पाणी चार पाच टेबलस्पून घालून वर काजु घालावे आणि पाच मिनिटे मिडीयम गॅसवर शिजू द्यावे व नंतर अर्धा तास मंद आचेवर शिजू द्यावे...