छायाचित्रात दाखविल्याप्रमाणे सर्व साहित्य एकत्र करून घ्यावे.
प्रथम तांदूळ धुवून पंधरा मिनिटे पाण्यात भिजवून ठेवावेत. नंतर पाणी वेळून काढावे.एका पातेल्यात पाणी घेऊन त्यात १ तमालपत्र, २-३ दालचिनी, ३-४ लवंग, २-३ वेलची, ५-६ काळीमिरी, १ टेबल स्पून तूप आणि १ टीस्पून मीठ घालावे. पाण्याला उकळी आल्यानंतर त्यात धुतलेले तांदूळ घालून भात 90% शिजवून घ्यावा नंतर एका मोठ्या परातीत मोकळा करून बाजूला ठेवावा.

आता एका कढईत अर्धा एक चमचा बटर आणि एक चमचा तेल घालून ते गरम झाल्यावर त्यात जिरे घालावे. नंतर त्यात तमालपत्र, दालचिनी, लवंग, काळीमिरी आणि काजू घालावे. नंतर त्यात कांदा आणि टोमॅटो घालावा. आता त्यात लाल मिरची पूड, हळद, गरम मसाला, धने पूड आणि मीठ घालून चांगले परतवून घ्यावे.त्यात दही घालून चांगले एकत्रित करून घ्यावे. थोडे पाणी घालावे आणि झाकण ठेवून चांगले आठ ते दहा मिनिटे शिजवून घ्यावे.मिश्रण थंड झाल्यावर मिक्सरमधून त्याची बारीक पेस्ट करून घ्यावी.

आता एका पॅन मध्ये एक चमचा तेल घालून त्यात अर्धा टीस्पून लाल मिरची पूड घालावी आणि त्यात मिक्सर मध्ये वाटलेले मिश्रण घालावे. थोडी उकळी आल्यावर त्यात कसुरी मेथी घालून एकत्रित केल्यानंतर पनीरचे तुकडे घालावेत आणि दोन मिनिटे शिजवून घ्यावे सर्वात शेवटी त्यामध्ये फ्रेश क्रीम घालून गॅस बंद करावा.
एका कढईमध्ये तेल टाकण्यासाठी ठेवून त्यात उभा चिरलेला कांदा आणि थोडे काजू खरपूस तळून घ्यावे.

आता दोन कोळशांचे चांगले लाल निखारे एका वाटीत घ्यावे. ती वाटी बिर्याणीच्या भांड्यात ठेवून निखाऱ्यांवर तूप सोडावे. तुपाचा धूर येऊ लागताच पुन्हा पाच मिनिटांसाठी झाकण बंद ठेवावे अशा पद्धतीने दम दिल्यामुळे बिर्याणीला एक स्मोकी फ्लेवर येतो. आपण सर्व जाणतोच बिर्याणी सर्व्ह करताना कालथा उभा धरून बिर्याणीचे सर्व थर त्यात येतील अशा पद्धतीने सर्व्ह करावे.कांदा लिंबू आणि रायत्यासोबत बिर्याणी गरमागरम सर्व्ह करावी.